Tâi-gír

刊載於2016年《猶原teh笑：廖瑞銘教授紀念文集》

〈Liāu Suī-bîng kàu-siū ê khan-sîng〉

〈龜兔鬥走〉　　臺文改寫：許嘉勇

Tsā-ji̍t Hok-kiàn Tsing-tsiu ê Bân-lâm-gír tāi-sir Lîm Kiàn-hui sian-sinn lâi Tâi-pak hóng-būn. Guá tsham Ia̍p Sian-tsîn, Khu Tì-uí sann-tsio khìr Hiann-tī-tuā-pn̄g-tiàm tshēr Lîm--sian khai-káng. Kī i ê pâng-king lǎi ná lim Tâi-uân bì-lù, ná káng-thinn lia̍h-hông-tè. Tér-tér ê lěrng-tiám-guā-tsing-kú, ū-iánn sǐ tshin-tshiūnn --lâng--sóo--serh--ê : ”Tsiú hông ti-kí tshian-pue siáu.”

Tuē-tiûnn：Pang-kiô tshia-thâu.

　　Tíng-lé-pài，khìr Tiong-iong-tāi-ha̍k ê Kheh-ka-ha̍k-iān tsham-ka gián-thó-huē，hioh-khùn khìr piān-sóo ê sî，khuànn tio̍h pinn--thâu ū ta-poo、tsa-bóo ê lóo-kooh，kuè-sī īng kheh-uē lâi phiau-sī，kám-kak sim-sik á sim-sik，ǹg-bāng ū tsi̍t-ji̍t，lán mā ē-īng-lit tīr o̍h-tn̂g ê piān-sóo khuànn tio̍h「ta-poo-gín-á、tsa-bóo-gín-á」ê phiau-thâu。

　　Hiān-tāi-lâng tuì-tio̍h hong-uī ê kuan-liām，í-king tsham thuân-thóng ê kuàn-sio̍k bô-sâng--looh！Íng-kèr sī tsóo-tsun-iū-pi，tò tshinn-lîng、tsiànn pe̍h-hóo，sóo-tì ài「ji̍p-liông-âu kî-hó-ūn、tshut-hóo-kháu kué-eh-ūn」，tuā-pîng tiō-sī liông-pîng iā tiō-sī tò-pîng，ài tsuè「ji̍p-kháu」，sió-pîng tiō-sī hóo-pîng iā tiō-sī tsiànn-pîng，ài tsuè「tshut-kháu」，tsirâ sóo serh--ê tsiànn-pîng、tò-pîng sī ài khiā tīr kiàn-tio̍k pún-sin lâi-khuànn，tshinn-tshiūnn kong-má-thiann tiō-sī í kong-má ê tsiànn-pîng uî tsiànn-pîng。