Tâi-gír

今年度高中組朗讀文稿第四篇第二段：

阿母上𠢕煮洘頭糜......。會記得我讀國中的時陣，五點外就愛出門，四點外，灶跤就光焱焱，嘛有敲卵炒菜的聲。阿母攏會煮一坩燒滾滾的糜，先𣁳一碗公囥佇邊仔予冷，通予我先食，閣有伊攢的物配，予我有飽足的元氣，會當對透早上課擋到下晝。

〈偏正結構四字詞次字ê聲調行為〉，《歌仔冊年刊》第二期，2022.07，p.141-143。

許嘉勇

　　【慣勢】兩字是白讀，有腔口差「kuàn/kuàinn/kuìnn-sì」，傳統用法干焦用佇動詞、副詞，無用佇名詞，動詞 ê 用法可比講【我搬來臺北已經十外年囉，嘛沓沓慣勢囉！】副詞 ê 用法可比講【我一般攏較慣勢開車去學校，坐車愛閣盤幾 lō 遍車，傷費氣囉！】。

　　今年國中組朗讀文稿第 6 篇第 3 段第 1 逝 ê【也是】，大會佇 8/31 公告第 1 次修正，共【也是】改做【猶是】。

〈「啥物」次字 ê 音讀〉，《歌仔冊年刊》創刊號，2021.06，p.77-78。

許嘉勇

研究臺語 ê 人，kàu 某一个坎站會開始沐著「主謂結構」，「主謂結構」是指名詞詞素後壁鬥一个動詞或--者是形容詞詞素，成做主語 kap 謂語 ê 關係，是「某乜物件按怎--矣」ê 構詞型態。

因為咱 ê 話「主謂結構」ê 構詞，有寡詞主語 ê 尾字會讀做本調，ex. 地#動、天#光、風#吹……，煞致使有人認為「主謂構詞」主語 ê 尾字一定愛讀本調，論真，咱 ê 話「主謂構詞」主語尾字有 ê 是讀本調，有 ê 是讀變調，有 ê 是兩可（ex.心酸、頭疼、地動、日出、喙饞），有 ê 有腔口差，有 ê 是歧音異義（ex. 風吹、喙焦、心悶），並毋是「主謂構詞」主語 ê 尾字一定愛讀本調。

　　有先進主張【探(tham)頭】是「頭 tham--出去，身軀並無出--去」，【探(thàm)頭】是「人來 kàu 塊(tèr/tè)、人去 kàu 塊」ê 意思，。

tse 有腔口差 ê 成分(sîng-hun)在內。

「sái」是泉州話粗喙話 ê 風格詞（特徵詞），有英語「fuck」ê 意思，所致泉州話 ê 中性詞會忌剋「sái」--字，俗語說【晉江驚駛 Tsìn-kang kiann sái】。

本文發表佇 2023 年《歌仔冊年刊》第三期，頁 121-122。

現代 ê 臺語教育，先生咧教變調規則 ê 時，步頻是共臺語普通腔(GT)陽平第 5 聲變做中平調 ê 第 7 聲（5 變 7），論真，GT 也有一半个仔變做低調 ê 情形（5 變 3），《教典》ê 音檔說明也有注意著只一點。

　實際語料舉例(五坎調值)：tshiũ₁₁m²⁴(同安、泉州、雲霄方先、平和)、tshiũ₃₃m²⁴(廈門)、tshiu₁₁m²⁴(安溪、雲霄)、tshiɔ̃₃₃m²⁴(海滄)、tshio₁₁m²⁴(龍海浮宮、白水)、tshɔ₃₃m²⁴(龍溪、龍海石碼、廈門灌口)......，閣有合音tshôm²⁴。

　1.聲母：【楊】是喻母四等（以母）字，閩南語的聲母有文白對應規律，文讀棧是零聲母，白讀棧是擦音聲母（ts, tsh, s）。例字：檐/簷 tsînn / sîn/siân(檐蟲)、榕 tshîng/tsîng、延 tshiân、蠅 sîn、颺 tshiûnn/tshiônn、癢 tsiūnn/tsiōnn、翼 si̍t、液 sio̍h、鹽 sînn/sīnn、養 tsiūnn/tsiōnn。

有收「tsháinn/tshái-tshuah」ê 辭典誠少，除了AABB形式ê「tsháinn/tshái-tsháinn/tshái-tshuah-tshuah」以外，也有ABB形式ê「tsháinn/tshái-tshuah-tshuah」（有人講做「bán-tshuah-tshuah」）。倒手爿是1931年ê《臺日大辭典．上冊》，正手爿懸頂是2000年盧廣誠ê《實用台語詞典》，正手爿下底是1923年《增補廈英大辭典》。

老師：這馬咱欲來畫圖。

某生：啊！害矣！我無紮著彩色筆。

昨--日佇新竹講習 ê 時，有老師問講：「敢干焦會用得講【米粉炒】，袂用得講【炒米粉】？因為有臺語專家講臺語干焦會用得講【米粉炒】。」

論真，1931 年 ê《臺日大辭典．上冊》就有收【炒米粉】--矣（如附圖）！有人可能會想講《臺日》所收--ê 是「動詞詞組」，毋是【米粉炒】所欲表達 ê「名詞」，按呢咱繼續來看伊 ê 釋義，

【炒米粉】：「【米粉 bí-hún】に肉．葱等を混ぜて炒った料理。」（上冊 p.576）
【米粉炒】：「【米粉 bí-hún】を油で炒った料理。」（下冊 p.646）

窮實，《臺日》所收 ê【炒米粉】嘛是指「名詞」，毋是指「動詞詞組」；也就是講共 tsit 項料理講做【炒米粉】，上無，佇日本時代 ê《臺日》就已經有記載--矣！所致咱 ê 話並毋是干焦會用得講做【米粉炒】。

聽講，「米粉」蓋有名 ê 新竹，濟歲人就是干焦講【炒米粉】，無咧講【米粉炒】。

「mooncake」，咱 ê 話口語在來一般是說做【中秋餅 tiong-tshiu-piánn】，khah 無說做【月餅 gue̍h/ge̍h/ge̍rh-piánn】。

毋但 1873 年出版 ê《廈英大辭典》有記錄「tiong-chhiu-piáⁿ, cakes made in the 8th month.」，1931-32 年出版 ê《臺日大辭典》嘛有記載：「中秋餅 tiong-tshiu-piánn。 中秋の節に使用する菓子の一種。」（如上圖）

《臺日》也有記錄【月餅 ge̍h-piánn】，毋拄伊 ê 釋義是【大餅 tuā-piánn】，《臺日》記錄 ê【大餅 tuā-piánn】，釋義是「圓形扁平の菓子、婚姻祭祀の場合に用ふ。【月餅 ge̍h-piánn】。」所致照《臺日》ê 記載，【大餅 tuā-piánn】=【月餅 ge̍h-piánn】≠【中秋餅】；共【大餅】說做【月餅】權算是用滿月 ê 形體來號名，kap 節氣 ê 中秋無底代。1992 年出版 ê 白話字文獻《臺灣年俗》，p.113 也有記載：「【禮餅】普通講【大餅】，形親像月，真大塊。」（如下圖）

　　【日出 ji̍t-tshut】是在來咱 ê 話，毋但 1931 年《臺日大辭典‧上冊》有收，佇清朝尾 kàu 戰後初期 ê《教會公報》也有超過 60 條 ê 記錄。照《臺日》ê 記音，頭--字「日」是讀變調，並毋是像「天#光」、「地#動」、「風#吹」......只號「主謂結構」「主語」讀本調 ê 情形。

　　有先進主張若欲講，著讀做「日#出」；論真，「地動」只个詞，彰化海口地區、泉州誠濟人頭--字是變調，「天光」只个詞，有 ê 泉腔會講做「thinn₅₃ kng」，『口渴』義 ê【喙焦 tshuì-ta】，更加是 non-native Taiwanese speaker tsiah 會讀做「喙#焦」。

　　只一句俗語，古漢文嘛有一句倚意 ê 講法【抱薪救火】，咱 ê 話在來是說做「hiannh 柴#添火#著」，也有說做「hiannh 柴添火」（ex.《臺日下》p.607，漢字寫做「擜」）、「拆柴添火著」，部份現代人無了解，煞誤做「燃(hiânn)柴添火著」。

　　「hiannh」--字，《教典》寫做「挔」，權算是「移形字」，上早應該是出自董忠司教授 ê《臺灣閩南語辭典》：『代用字，本為「旅」的訛字，因其形符合此義，故代用之。』因為現代 ê 臺語人多數干焦賰「hiannh衫」、「hiannh褲」、「hiannh布」、「hiannh 棉襀被 / 被 / 被單」、「hiannh毯仔」……只寡詞，受詞計是 kap「布料」有關係--ê，所致借用挑手爿鬥一字「衣」--字 ê「挔」。此去，未來 ê 臺語人恐驚會掠準講「hiannh」就是干焦會用得接 kap「布料」有關係 ê 受詞。總--是，「hiannh」ê 本字也不明[1]，陳修 ê《台灣話大辭典》kap 陳憲國/邱文錫 ê《新編華台語對照典》是寫做「攇」，《閩南方言大詞典》寫做近音字[⿰扌办]（拹），《閩南語漳腔辭典》寫做「𢩹」。

　　咱 ê 話有用「kóo」來做「suffix(後綴)」ê 情形，表示「大」ê 意思，漢字有 ê 寫做「鼓」，有 ê 寫做「股」，有 ê 寫做「古」，「kóo」囥佇名詞 ê 後壁是修飾語後置 ê 構詞法。可比講：

【旋鰡(suan-liu) kóo】→大隻 ê 旋鰡

【儼硬 giám-ngē/ngī】