今年國小組朗讀稿第一篇 ê 作者，是阮學校兩年前教甄考--入來 ê 【車老師】，伊 ê 字姓佇臺灣較罕得拄--著，日本時代 ê《臺日大辭典》有記只个字姓讀做文讀 ê「ku」（如附圖），《臺日》主音讀是臺北 ê 廈門腔，照漳泉廈韻母對應規律，【車】ê 文讀音是「漳 ki、廈 ku、泉 kir」，也就是咱行棋咧講 ê【車馬包】ê 【車】。1873 年 ê《廈英大辭典》，字姓【車】是記白讀 ê 「tshia」。
舊年我處理教育部「閩南語姓名查詢網站」https://sutian.moe.edu.tw/zh-hant/huliok/miasenn/ ê 時，有特別共車老師請教伊 ê 字姓按怎讀，伊講伊攏讀「tshia」，亻因阿公、亻因阿爸讀「ki」，人會叫亻因阿爸「Ki--ê」。
【說明】ê【說】--字，文讀無分腔口差，計讀做「suat」，ex.【小說】、【學說】、【演說】。白讀：泉同音「serh」、廈音「seh」、漳音「sueh」，ex.【聲說】、【輕聲細說】、【聽說】(泉腔風格詞)。【說明】ê 頭--字，有 ê 慣勢文讀、有 ê 慣勢白讀，《臺日》就是文白計收。
閩南語上早ê韻書1800年ê《彙音妙悟》（泉腔）收「tsōo」，
1800年泉腔《彙音妙悟》、1818年漳腔《彙集雅俗通十五音》、1832年漳腔《福建方言字典》、1873年《廈英大辭典》、1913年《廈門音新字典》，計是孤是孤收「suan」，無收「huan」。
【萱】--字讀「suan」就是咱 ê 話在來 ê 音讀，讀做「huan」毋是咱 ê 話在來民間漢文師承 ê 傳統音讀，是現代 ê 專家根據《廣韻》「況袁切」所切--出來 ê 現代韻書音。
「岑」--字，《彙集雅俗通十五音》、《廈門音新字典》、《當代泉州音字彙》、《日台大辭典》「百家姓」計記做「gîm」。《彙音妙悟》無收，阮鹿港ê漢文先生漢卿先讀做「khîm」，《廣韻》ê中古音是「tsîm」。
【愁】--字，《彙音妙悟》收佇〈鉤〉韻〈出〉母，曲音-ɯo，新泉音-io，新新泉音-o，同廈漳音-ɔ，老永春音-əu，新永春音-ə，潮汕話-ou，毋拄讀做/-ɔ/--ê，實際生活中敢若無人聽過，孤《閩南方言大詞典》收漳泉廈正讀「tshôo」。
《彙音雅俗通十五音》、《福建方言字典》無收【愁】。
只个詞咱 ê 話在來是讀做「guî-hiám」，1853 年《翻譯英華廈腔語彙》、1873 年《廈英大辭典》、1883 年《英廈辭典》、1931 年《臺日大辭典‧上冊》、1895-1968 年 ê《教會公報》規山坪 ê 文獻計是孤收只音，阮 tèr kàu tann iá 是按呢說，嘉義新港 ê 洪惟仁教授、金門坪林(phînn-nâ) ê 劉秀雪教授、雙溪 ê 李蕙芳老師、汐止 ê林金城先生也計是講「guî-hiám」。
「權」--字，在來是讀做無送氣 ê「kuân」，kàu tann，誠濟老大人 iá是按呢呼音，咱看在來韻書 ê 記錄：
【唐韻】【廣韻】巨員切【集韻】【韻會】【正韻】逵員切，𠀤音拳，中古音是全濁 ê〈羣〉母。
