Tâi-gír

tse是咱拜拜ê一个慣俗，金紙拆了了後，愛共案桌懸頂ê酒甌仔，捀一杯順金鼎ê鼎墘淋--一輾，有ê人是直透倒入去金鼎lǎi/lāi底，表示規个祭拜ê儀式已經完成。只(tsí)塊影片是今年清明，阮塊(tèr)拜公媽ê時我錄--ê，咧冫彥錢ê人是阮a̋u。有ê人是說做【冫彥酒】，也會手那冫彥，喙那唸講「冫彥錢冫彥圓圓，囝孫大趁錢。」抑是簡單唸一句「冫彥錢，大趁錢」、「冫彥[予伊](hoo)圓，大趁錢」。

答黃--先「童謠正月正裡面，十月十，冬瓜糖霜落『餅』盒，也有人寫『錢』盒， youtube 一位平和國小的同學表演，聽起來像『tseh』盒，請問『』裡面的正字是哪一個？又有人說荐盒，兩字相通？ 薦盒是神明桌上擺祭水酒的小貢桌，可以擺冬瓜糖霜嗎？在十月是什麼禮俗？」

昨日(tsā-ji̍t)阮三叔做忌，是「生日忌」，在來咱 ê 話有說做【愍忌  bián-kī】，若是過身  hí 日 ê 忌日，是號做「死忌」；毋拄我問阮叔公仔、嬸婆仔、阮老爸，亻因計袂曉得「愍忌」，總--是，佇阮塊uì 開臺袓開始記 ê    hí 塊「忌神牌」，頂頭就有寫着「愍忌」，可見往擺也是有咧說「愍忌」。

〈二十四節氣歌〉

五月節(gǒo-ge̍rh-tsueh)插門頭

　　照阮 ê 例，娶新婦 ê 時愛貺圓仔、糖仔、麻糍，嫁查某囝愛貺餅，餅有分【口份餅  kháu-hūn-piánn】（大餅）、【帖仔餅  thiap-á-piánn】（盒仔餅）兩種，囝仔(kán-á)滿月愛貺油飯，對象計是有咧陪綴 ê 親情五十、厝邊頭尾，若是遇(bǔ)著平素毋捌行跤 kàu ê 人，人就會應一句：「刣豬公（做戲）無相請，嫁查某囝 tsiah 咧貺大餅。」只一回阮庄內 ê 人娶新婦，阮包禮去共亻因鬥鬧熱，主人家照例是愛貺(hīng)一盒糖仔，毋拄現代人改貺一盒麻糍（如相片）。

下今仔阮查某囝(tsa̋u-kánn)度晬(tōo-tsèr)，昨日(tsā-ji̍t)先攢(tshuân)牲醴落去燒金，一副三牲包括雞、豬、魚，猶閣愛有紅龜粿佮(kap)紅卵，三甌酒，一千金，點九欉香，先拜天公，才閣呼請廳頭的神明以及庄內的公佛(kong-pu̍t)，最後拜簷口媽(tsînn-kháu-má)，廳桌頂拜煞閣徙(suá)落來拜公媽；另外，閣煮一碗雞酒參(tsham)一碗飯，踮房間拜床母(tshn̂g-bú)。

臺灣戰後 ê 建築當中，上早夆列做古蹟 ê「臺北市清真寺」。

 本文刊載於2015年《臺江臺語文學季刊》15，臺南市政府文化局。

　　下[今仔](e-kiann)是阮[查某]囝(tsa̋u-kánn)滿四月日，照咱ê例愛「做四月日」，厝--裡(nn̄g)著攢(tshuân)牲醴、紅圓、發粿拜公媽，外家愛送「頭尾」。

〈鹿港普度歌〉下今仔是「初九興化媽祖宮口(tshue-káu Hing-huà má-tsóo-king-kháu)」。

鹿港普度歌：「初一放水燈，初二普王宮(king)，初三米市街，初四文武廟，初五城隍宮(siōng-king)，初六土城，初七七娘媽生，初八新宮邊......。」

　　照咱ê例，乾埔(ta-poo)囝仔(kán-á)出世一月日做「滿月」，查某囡仔(tsa̋u-gín-á)「滿月」著愛減一日。滿月ê時愛熗(tshìng)油飯拜公媽，貺(hīng)親情、厝邊，若是親家，著愛貺一大模(bôo)雞卵糕猶是32粒粿（ex.紅圓）。有ê人嘛佇滿月只一日來剃頭，論真，剃頭ê日子並無定著，有十二日、十六日、二四日、滿月，現代人步頻(pōo-pîn)著愛上班食人ê頭路，嘛有看日撿一个「剃頭日」來剃頭，我大漢--ê是二四日剃頭，第二--ê就是看拜六剃頭日剃--ê。另外，若照阮塊(tèr)ê例，十二日愛閣熗一斗額ê油飯、捾一罐酒(ex.陳高)、煠(sa̍h)一隻雞、攢一千金參炮燭予媒人(hm̂-lâng)燒金。 

　　昨日(tsa̍h-ji̍t)是咱 ê 日二十四節氣(tsueh-khuì) ê「穀雨」，人--所--說：「穀雨補老母，立夏(hē/hě)補老爸(pē/pě)。」

人所說(--lâng--sóo--serh)：「人情世事綴到到，無鼎閣無灶。」咱人咧陪綴(puê-tèr/tè)个紅包、白包到底(tàu-tí)愛包偌濟？來聽看民俗專家徐(Sîr/Tshî)福全教授按怎講。