close
臺北市上路尾一條清朝保留到今个街路－「剝皮寮」，位處臺北市老松國校个南爿，包括現主時萬華區廣州街、康定路參昆明街所包圍个迄大片舖戶。
目今倚康定路、廣州街十字路口彼箍圍仔，因為早期是咧做塗炭个生理，所致號做「塗炭市」，斯當時是市草真交易(ka-ia̍h)个街路，有真濟店窗起个牌樓厝，到今看--起來猶是真麗斗(lè-táu)。
只條街路大約是佇1850年代開始沓沓仔發展，進入日本時代了後，因為實行「市區改正」个現代都市計畫，所致原本狹塞个車路，一部分予官廳拆路，路尾煞tsia̋n無--去，也有新開路、楦闊(hùn-khuah)个街路。
另外，「剝皮寮」嘛是1895年臺灣民主國成立个時，舉辦呈印大典遶境路關个起點。
全站熱搜
留言列表
