Tâi-gír

 　　早起去枋橋ê市仔買菜兼做田野調查，問頭家娘只號點心ê名號做siánn-mih糋？伊先應講：『雙胞胎』，我講臺語愛按怎講？伊tsiah講是【馬蹄糋 bé-tê/tuê/terê-tsìnn】，嘛有人講是【馬花糋 bé-hue-tsìnn】，路尾共伊交關兩个馬蹄糋掛兩个『甜甜圈』，berh走ê時閣共伊請教『甜甜圈』ê臺語愛按怎講？無疑悟伊煞講就是「thien35 thien35 tshyen44」！究勘"donut" ê 歷史，語根是源自北美或--者是美國，拍算在來ê臺語huān-tann無只號點心ê話語，所致枋橋糋donut ê 頭家娘tsiah會共伊叫做「thien35 thien35 tshyen44」。
 
毋知咱鹿港只號『雙胞胎』ê 臺語愛按怎說？

林建輝先生：「集美講做【馬花糋】，龍海講做【馬鞍 bé-uann】。」

紀榮浩先生：「同安講做【馬花糋】。」

張鴻升先生：「晉江講做【馬蹄酥】。」

王楨文老師：「彰化人講做【牛𡳞脬】。」

杜建坊先生：「『甜甜圈』號做【糖糕牽(khian)仔】。」

2017年佇臺南臺糖長榮酒店，林月娥老師講亻因嘉義水上是講【蹄糋   tê-tsìnn】。