Tâi-gír

　　昨日(tsa̍h-ji̍t)是咱 ê 日二十四節氣(tsueh-khuì) ê「穀雨」，人--所--說：「穀雨補老母，立夏(hē/hě)補老爸(pē/pě)。」

 　　當大家(tāi-ke)範坯(pān-pher)清明(tshuinn-miâ)跤兜大勢熱--矣！無疑悟「穀雨風」一下透，有當時仔含(hiâm)老虎母嘛強欲寒--死，所致說「清明穀雨，寒死老虎母。」

　　只站仔也會用得說是作穡人穡頭較 少ê 時節，趁穀雨、立夏煮寡蝦麵、匏仔來予序大人食補，有孝序大人，袂輸是紅毛人說起 ê「mother’s/father’s day」，所致我共只一句俗語 ê 意涵閣再楦大(hùn-tuā)，「穀雨」就聽好(thìng-hó)講是咱在來 ê 「母親節」，「立夏」也就是咱在來 ê 「父親節」。

 　　「蝦麵」只个慣俗徛算是泉州人 ê 例，往過，泉州人會用紅糟摻落去大麵乾來煮，因為紅糟 ê 色水是紅色-- ê ，是吉祥  ê 色水，又閣有發酵 ê 路用，有發達、發財 ê 意思；只个慣俗， lōo尾變做買蝦仔來摻入去大麵乾落去煮，蝦仔煮熟了後變紅，kap 紅糟sâng款是吉祥 ê 色水，往過阮較無法--得 ê 時，阮a̋u pat換蝦卑仔乾(hê-pi-á-kuann)落去煮。

相片解說：《二十四孝》之「懷橘遺親」，出處：許嘉勇，2002年〈大龍峒保安宮建築裝飾藝術探源－以人物故事主題為中心〉。