原住民稱呼唐人 ê 族群名－Tâi-gír

特富野曹族婚酒桌.jpg

　　歷史頂，臺灣 ê 原住民參唐人互相佇只塊土地械鬥，爭奪地頭，筏灣族（排灣族）、魯凱族、卑南族、阿美族……等族 ê 原住民，計有稱呼來自漳泉 ê 唐人號做「pāi-láng」（ex. 筏灣話 pairang），只个語源是來自咱 ê 話 ê【歹人 phái-lâng】，唐人 sâng 款也會排斥(pâi-thik)原住民號做【傀儡 ka-lé/lér】，共排灣族、魯凱族叫做【傀儡番 ka-lé/lér-huan】；多數 ê 原住民，另外閣稱呼客人做「ngāi-ngái」（筏灣話是 ngai55 ngai11），語源是因為客話第一人稱代名詞號做「ngâi」。

　　毋但按呢，原住民對別 ê 民族 ê 稱呼嘛真心適，可比講布農族有稱呼唐人號做「pu̍t」，調值量其約是”4”，亻因講是因為唐人「愛放屁」ê 緣故；泰雅族、賽德克族稱呼漳泉唐人號做「mū/mú-kán」，有人講是因為只陣人開喙合喙見講就是「幹」，毋拄伊 ê 實際音標是「plmukan」(註)，意思是『被矱首者』；賽德克族也稱呼客人號做「khí-làng」，語源是咱 ê 話 ê 「客人」；對 1949 年來臺灣 ê 外省仔（外省--ê），亻因嘛有特殊 ê 稱呼，親像臺東魯凱族、阿美族以及平地原住民，亻因是叫做「bīn-ko̍k」，語源是咱 ê 話 ê 「民國」；泰雅族、賽德克族是叫做「tāi/tōo/té-luh」，語源當然就是來自「大陸」；筏灣族是「ljautiya(lau11 ti55 ia11)」，語源是「老爹」。