Tâi-gír

　　只个詞咱 ê 話在來是讀做「guî-hiám」，1853 年《翻譯英華廈腔語彙》、1873 年《廈英大辭典》、1883 年《英廈辭典》、1931 年《臺日大辭典‧上冊》、1895-1968 年 ê《教會公報》規山坪 ê 文獻計是孤收只音，阮 tèr kàu tann iá 是按呢說，嘉義新港 ê 洪惟仁教授、金門坪林(phînn-nâ) ê 劉秀雪教授、雙溪 ê 李蕙芳老師、汐止 ê林金城先生也計是講「guî-hiám」。

　　【日出 ji̍t-tshut】是在來咱 ê 話，毋但 1931 年《臺日大辭典‧上冊》有收，佇清朝尾 kàu 戰後初期 ê《教會公報》也有超過 60 條 ê 記錄。照《臺日》ê 記音，頭--字「日」是讀變調，並毋是像「天#光」、「地#動」、「風#吹」......只號「主謂結構」「主語」讀本調 ê 情形。

　　有先進主張若欲講，著讀做「日#出」；論真，「地動」只个詞，彰化海口地區、泉州誠濟人頭--字是變調，「天光」只个詞，有 ê 泉腔會講做「thinn₅₃ kng」，『口渴』義 ê【喙焦 tshuì-ta】，更加是 non-native Taiwanese speaker tsiah 會讀做「喙#焦」。

以下是我調查 ê 一寡記錄：

1.阮鹿港確實是說【生目尖(tsiam)】、毋但張屏生教授 ê 調查，今仔日我有閣共六个鹿港人確認（包括阮老爸，𪜶个鹿港話計會用得信用--得，四个70歲以上，兩个卜倚50歲），當然【針】是讀「tsam」；另外，計無人聽過【ba̍k-káu-tsiam/tsam】。

劉家謀《海音詩》

【轉臍 tńg-tsâi】→【斷臍】tńg-tsâi

　　「鄒」只个字姓，在來咱 ê 話 ê 韻書收錄如下：

1800年《彙音妙悟》（泉腔）：爭高上平、爭鉤上平。

　　只一句俗語，古漢文嘛有一句倚意 ê 講法【抱薪救火】，咱 ê 話在來是說做「hiannh 柴#添火#著」，也有說做「hiannh 柴添火」（ex.《臺日下》p.607，漢字寫做「擜」）、「拆柴添火著」，部份現代人無了解，煞誤做「燃(hiânn)柴添火著」。

　　「hiannh」--字，《教典》寫做「挔」，權算是「移形字」，上早應該是出自董忠司教授 ê《臺灣閩南語辭典》：『代用字，本為「旅」的訛字，因其形符合此義，故代用之。』因為現代 ê 臺語人多數干焦賰「hiannh衫」、「hiannh褲」、「hiannh布」、「hiannh 棉襀被 / 被 / 被單」、「hiannh毯仔」……只寡詞，受詞計是 kap「布料」有關係--ê，所致借用挑手爿鬥一字「衣」--字 ê「挔」。此去，未來 ê 臺語人恐驚會掠準講「hiannh」就是干焦會用得接 kap「布料」有關係 ê 受詞。總--是，「hiannh」ê 本字也不明[1]，陳修 ê《台灣話大辭典》kap 陳憲國/邱文錫 ê《新編華台語對照典》是寫做「攇」，《閩南方言大詞典》寫做近音字[⿰扌办]（拹），《閩南語漳腔辭典》寫做「𢩹」。

大嵙崁　賴和