Tâi-gír

只一年來，有一位真興(hìng)臺語第六聲个ôo-lí-sáng，一直佇一寡臺語个面書社團咧傳播伊「kāi-kī个」第六聲，有淡薄仔聲韻觀念个人一看隨知，伊所說个第六聲，窮實是伊臺灣普通腔第七聲个變調（事實是老泉腔則有第六聲），誤將變調當做第六聲个本調；近來咱解說一寡例予伊看，伊看着咱寫有个學者嘛共喉塞第八聲个變調記做「22」，伊煞當做是「發現新大陸」，繼續對伊「kāi-kī个」第六聲深信不已。

　　照講，strawberry 種个(tsióng-ge) 果子是差不多30年前tsiah引進臺灣--ê，所致咱只陣ê臺灣人，多數是直透綴華語說做「tshāu-mê」，權算是「華語借詞」，果子擔ê頭家也計是按呢說。

　　照阮 ê 例，娶新婦 ê 時愛貺圓仔、糖仔、麻糍，嫁查某囝愛貺餅，餅有分【口份餅  kháu-hūn-piánn】（大餅）、【帖仔餅  thiap-á-piánn】（盒仔餅）兩種，囝仔(kán-á)滿月愛貺油飯，對象計是有咧陪綴 ê 親情五十、厝邊頭尾，若是遇(bǔ)著平素毋捌行跤 kàu ê 人，人就會應一句：「刣豬公（做戲）無相請，嫁查某囝 tsiah 咧貺大餅。」只一回阮庄內 ê 人娶新婦，阮包禮去共亻因鬥鬧熱，主人家照例是愛貺(hīng)一盒糖仔，毋拄現代人改貺一盒麻糍（如相片）。

昨天有主任提到我上課將當代華語的『流浪漢』譯成「羅漢跤仔(lô-hàn-kha-á)」是否恰當的問題，因為就她的語感，臺語的「羅漢跤」是指『單身漢』。我們來看一些文獻資料怎麼說：

下今仔阮查某囝(tsa̋u-kánn)度晬(tōo-tsèr)，昨日(tsā-ji̍t)先攢(tshuân)牲醴落去燒金，一副三牲包括雞、豬、魚，猶閣愛有紅龜粿佮(kap)紅卵，三甌酒，一千金，點九欉香，先拜天公，才閣呼請廳頭的神明以及庄內的公佛(kong-pu̍t)，最後拜簷口媽(tsînn-kháu-má)，廳桌頂拜煞閣徙(suá)落來拜公媽；另外，閣煮一碗雞酒參(tsham)一碗飯，踮房間拜床母(tshn̂g-bú)。

馬偕〈最後的徛家〉

佇毋着个時陣，拄着着个人，講號做『小三』。

20幾年前，阮鹿港个媽祖宮起一座新个停車場，離媽祖宮差不多有400米遠，外埔頭來進香、刈香、參拜个遊覽車，多數是共善男信女下佇tserâ，則閣予伊怙(kōo)步輦(pōo-lián)--个，行只條民生路到媽祖宮口，因為是大部分信徒會行踏个路草，致使即條民生路也吸引真濟生理人來tserâ排擔仔做買賣。